-
శేఖర్ కమ్ముల పాన్ఇండియా చిత్రం ‘కుబేర’
టాలీవుడ్ ప్రముఖ దర్శకుడు శేఖర్ కమ్ముల ప్రస్తుతం పాన్ ఇండియా స్థాయిలో తెరకెక్కిస్తున్న తాజా చిత్రం ‘కుబేర’. ఈ సినిమాలో ప్రధాన పాత్రల్లో అక్కినేని నాగార్జున, తమిళ హీరో ధనుశ్ నటిస్తున్నారు. అలాగే, రష్మిక మందన్న కీలక పాత్రలో కనిపించనున్నారు. అయితే, తాజాగా ఈ చిత్రం విడుదల తేదీ ఖరారైంది.
ఈ విషయాన్ని ప్రత్యేక పోస్టర్ ద్వారా చిత్ర నిర్మాతలు ప్రకటించారు. జూన్ 20న ఈ సినిమా ప్రేక్షకుల ముందుకు రానుందని తెలిపారు. తాజాగా విడుదలైన పోస్టర్ ఆసక్తికరంగా రూపొందించబడింది. ఇప్పటికే సినిమా నుండి నాగార్జున, ధనుశ్, రష్మిక వారి ఫస్ట్ లుక్ పోస్టర్లు విడుదల కాగా, రష్మిక క్యారెక్టర్ గ్లింప్స్ తో పాటు టీజర్ కూడా శ్రోతల ముందుకు వచ్చాయి.
ఈ చిత్రం ఒక ప్రత్యేకమైన సోషల్ డ్రామా కథాంశంతో తెరకెక్కుతున్నట్లు సమాచారం. ఇందులో ధనుశ్‌ను చాలా కొత్తలా చూపించబోతున్నారంటూ ఫీల్డ్ లో చర్చ జరుగుతోంది. రాక్‌స్టార్ దేవిశ్రీ ప్రసాద్ సంగీతం అందిస్తున్న ఈ సినిమాను శ్రీవెంకటేశ్వర సినిమాస్ ఎల్ఎల్పీ బ్యానర్‌పై సునీల్ నారంగ్, రామ్మోహన్ రావు కలిసి నిర్మిస్తున్నారు.
Read : Prabhudeva : వారసుడు రిషి రాఘవేంద్రను పరిచయం చేసిన ప్రభుదేవా!
